Հովհար  I մաս

Դժվար է ասել, թե երբ և որտեղ են ստեղծվել առաջին հովհարները, բայց արևելքում այն օգտագործում էին դեռ հնուց:

Հովհարները պատրաստված էին լինում ծառի ճյուղից , տերևներից և փետուրներից, որոնք օգնում էին պաշտպանվել շոգից ու միջատներից: 

Հին եգիպտացիների համար հովհարը երջանկության և երկնային հանգստի խորհրդանիշներ էր: 

Հովհարներն ունեին կիսակլորավուն ձև, երկաթե բռնակ և սովորաբար պատրաստվում էին փետուրից: Այդ ժամանակաշրջանից մի քանի օրինակներ կան Տուտանխամոնի դամբարանում:

Հին Հունաստանում և Հռոմում հովհարը պատրաստում էին սիրամարգի փետուրներից: Այդ սիրամարգերին բազմացնում էին հատուկ կղզում:

Գրեթե ոչ մի երկրում հովհարին չեն տվել այնպիսի նշանակություն, ինչպես` Ճապոնիայում: 

Դեռ 100 տարի առաջ հովհարն այնտեղ համարվում էր հագուսի պարտադիր մաս` ինչպես կանանց ,այնպես էլ տղամարդկանց մոտ: 

Այնտեղ յուրաքանչյուր հովհար ունեցել է իր նշանակությունը: Ճապոնիայում հովհար ուներ հասարակության յուրաքանչյուր անդամ: Առաջին ճապոնական հովհարներն ունեցել են տափակ, կլորավուն ձև` երկաթե բռնակով: 

Այդ հովհարները ներկրում էին Չինաստանից :

Իսկ ծալվող հովհարը ստեղծել են հենց ճապոնացիները, որը ժամանակի ընթացքում գրեթե չի ենթարկվել փոփոխությունների:

https://www.facebook.com/pages/Tina-Mel/358149881055976?ref=aymt_homepage_panel